Mongolska kultura w Njebjelčicach

póndźela, 18. septembera 2023
artikl hódnoćić
(0 )

Kamjenc/Njebjelčicy (SN/MiR). Cyłoněmski lětuši interkulturny tydźeń steji pod hesłom „Nowe rumy“. Do toho hodźi so poskitk Drježdźanskeho towarstwa GER (Zhromadne wuwiće realizować). Zhromadnje z Njebjelčanskim ­towarstwom Sowutu přihotuja jeho čłonojo prěni króć tónle „Mongolski kulturny dźeń“ w Njebjelčicach. Poboku maja woni čłonow towarstwa Witajće do Kamjenca a njedawno hakle załoženeho ­towarstwa Kultur Club XDörfer z Drježdźan. W kooperaciji z Mongolskim młodźinskim zwjazkom su so wo wobdźělenje prócowali. Ze swojej ideju Mongolsku na wsy předstajić pak su sej mjez orga­nizatorami interkulturnych tydźenjow w Budyskim wokrjesu wjele sympatije zbudźili. Tuž wotměje so „Mongolski kulturny dźeń“ 23. septembra wot 11 hodź. na swjedźenskej łuce při Njebjelčanskim gmejnskim zarjedźe. Tuchwilu wšak přewjedu so zarjadowanja interkulturelneho tydźenja přewažnje w Budyšinje, Kamjencu a Wojerecach.

wozjewjene w: Łužica
Prošu přizjewće so, chceće-li komentar podać

nowostki LND