Dwórnišćo jako nowy centrum

pjatk, 03. nowembera 2023
artikl hódnoćić
(0 )

Běła Woda chce wjele lubjacy přetwar hač do 2026 zdokonjeć

Běła Woda (AK/SN). Běłowodźanske dwórnišćo ma so na centrum za kulturu a wobydlerjow přetworić. To je wyši měšćanosta Torsten Pötzsch (Klartext) njedawno při zahajenju projekta „Dwórnišćo plus“ potwjerdźił. „Měć dwórnišćo je za kóždu komunu wosebita wizitka. Wone je městnosć dochadźenja, přebywanja a rozdźělenja. Dwórnišćo w Běłej Wodźe měješe so w lěće 2013 přesadźić. Smy wjeseli, zo smy je jako komuna te­hdy za 59 000 eurow kupili“, wón wróćo zhladujo rjekny. Nětko do projekta 8,18 milionow eurow za přetwar a rozšěrjenje inwestuja. 7,8 milionow eurow přińdu ze zwjazkowych srědkow za změnu strukturow. Město same ma 390 000 eurow swójskeho podźěla zwjesć. Dwórnišćo je jedne ze štyrjoch projektow změny strukturow w měsće.

wozjewjene w: Łužica
Prošu přizjewće so, chceće-li komentar podać

nowostki LND