Budyšin/Radeberg (SN). Wot spočatka decembra maja so młodostni bjez přewoda, kotřiž su jako ćěkańcy do Budyskeho wokrjesa přichadźeli, w internaće při dróze Měra w Radebergu zaměstnić. Tam je stacionarne hladanje spočatnje dźesać młodostnych předwidźane. Woni su zwjetša syriskeho abo afghaniskeho pochada. Tole ma swobodny nošer zawěsćić. Wokrjes je po zakonju winowaty so wo zaměstnjenje, hladanje a zastaranje jemu připokazanych, za azyl pytacych starać. Do toho kruha słušeja małolětni młodostni bjez přewoda. Hižo wjacore měsacy stupaja ličby přichadźacych. Tuž je wutworjenje přidatnych městnow trěbne. Dotalne móžnosće za přebywanje su wućežene. Tuž dyrbi wokrjesne zarjadnistwo internat w Radebergu za to wužić, kiž je hižo w zašłosći jako přebywanišćo njepřewodźenym małolětnym ćěkancam słužił.