Team wokoło Tobiasa Čižika změje zamołwitosć za cyłkowny projekt
Čorny Chołmc (SiR/SN). „Krabat-Saga“ rěka lětnja dźiwadłowa produkcija w Čornochołmčanskim Krabatowym młynje, kotruž tam nowy team produkuje. Zrěčenje z něhdyšej produkciskej firmu swójby Siebecke je lětsa wuběžało. Wot klětušeho přewozmje team wokoło jednaćela młyna Tobiasa Čižika zamołwitosć za cyłkowny projekt.
„Tute riziko móžemy z dobrym swědomjom na so brać. Jako dohladowanska rada projekt teamej młyna bjezdwěla přicpěwamy“, rozłoži předsyda rady Thomas Delling optimistisce. Tobias Čižik doda, zo bě zašły lětdźesatk puć rubacy a zo je team dźakowny za to, zo je móhł nazhonjenja zběrać z kotrychž młyn daloko nad jeho mjezami profituje. „Nětko pak je na času, zo kulturny centrum bóle sobu postaja a zo tež swójsku zamołwitosć přewozmje. „Naš zaměr je, zo so młyn w swojim wobsahowym skutkowanju sylni a zo móžemy so dale wuwiwać“, rjekny jednaćel młyna.