Nic jenož na wsach, ale tež w městach maja mnozy domjacy skót. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. K tomu ­přinošować chce naša serija z pokiwami z weterinarneje mediciny. (20)

Jako dyrbjachu konje w prjedawšich časach časćišo hišće na polu abo w lěsu dźěłać, je so chorosć husto a wosebje po swjatych dnjach jewiła.

Wokoło swjatych dnjow bu konjam hdys a hdys přidatna porcija dobreje picy přidźělena. To woznamjenješe wězo wjace energije za ćěło, kotruž pak kóń njepřetrjeba.