Plan wohnjoškitneje potrjeby zakład planowanja wudawkow

Róžant (JK/SN). Zo bě na minjenym posedźenju gmejnskeje rady Ralbicy-Róžant nawoda gmejnskeje wohnjoweje wobory Michał Maywald přitomny, njebě připad, ale měješe dwójny pozadk. Wón předstaji radźićelam jara nazornje swoje čestnohamtske dźěło w nadawku a zajimje komuny a połoži z tym wažny zakład za rozmyslowanje wo přiměrjenym zarunanju čestnohamtskeho dźěła. Dale předpołoži radźićelam plan wohnjoškitneje potrjeby.