Wokrjesni radźićeljo wčera jasnje za projekt „Lessingowa kupjel“ hłosowali

Budyšin (SN/MiP). „Kak wotewrjeni smy za migracisku towaršnosć? – Wo to póńdźe w našim dźensnišim wothłosowanju!“ Z tutymi słowami podšmórny Roland Dantz, wyši měšćanosta Kamjenca a předsyda frakcije Swobodnych wolerjow, wulki wuznam dnjoweho dypka 7 na Budyskim wokrjesnym sejmiku. Na swojim wčerawšim wječornym posedźenju mějachu Budyscy wokrjesni radźićeljo wo załoženju „Zaměroweho zwjazka Lessingowa kupjel“ wothłosować. Za Dantza zwyši nowa moderna wjacezaměrowa kupjel atraktiwitu regiona a je z tym „garant za to, zo nowe předewzaća kaž tež fachowcow k nam přiwabimy.“