Wustawki za zarunanje čestnohamtskeho dźěła aktualizowane

Konjecy (JK/SN). Małe njedorozumjenje bě wina, zo dyrbjachu sej gmejnscy radźićeljo gmejny Ralbicy-Róžant wčera wječor w Konječanskej burskej stwě najprjedy kachle zatepić, zo njebychu zymu mrějo poslednje posedźenje tohole lěta wotměli. Spočatnje w tołstych kapach sedźo dnjowy porjad wotdźěłachu. Tak wobzamknychu hižo w nowembrje horco diskutowane wustawki za zarunanje čestnohamtskeho dźěła. Jeničce radźićel Eduard Luhmann (CDU) – wón njebě na minjenym posedźenju přitomny – měješe kritiske přispomnjenja k zarunanju dźěła zastupowaceho wjesnjanosty. Luhmann ma je za přewysoke, runočasnje měni, zo je dźěło radźićelow přenisko zarunane.