Wojerecy (AK/SN). Wot februara 2024 budźe Wojerowska bydlenjotwarska towaršnosć (WGH) w tamnišej wulkokupnicy Globus z 80 kwadratnych metrow wulkim serwisowym běrowom prezentna. Za to inwestuja pjećcyfrowu sumu. Z tak mjenowanej bydlenskej stwu w Globusu chcedźa nimo swojeho zarjadnistwa na Hasy Liselotty Herrmann swój wobšěrny poskitk kupcam blisko přistupnić, praji jednaćel WGH Steffen Markgraf. „Nimo wirtuelneje prezency pod www.wh-hy.de a w socialnych syćach je nam rozmołwa z ludźimi jara wažna. Direktna wuměna z wosobami je najlěpša móžnosć komunikacije“, praji Markgraf.