Załožba Slavonic Europe zajimuje so za pomnik starych Słowjanow w Radušu
Wětošow (SN/at). Załožba Slavonic Europe z Brüssela chce so w dwurěčnej Łužicy dale angažować. Po kóncu zhromadneho dźěła ze Serbskim sejmom loni wosrjedź decembra bu nětko znate, zo płaći Slavonic Europe jako zajimc, kotryž chce Radušanske słowjanske hrodźišćo kupić. Kaž z radneho informaciskeho systema města Wětošowa (Vetschau) wuchadźa, wočakuje hospodarski wuběrk zhromadźizny měšćanskich radźićelow na swojim posedźenju 22. januara prezidenta Davida Chmelíka. Wón chce w dypku 3 dnjoweho porjada „Załožbu Slavonic Europe jako zajimču za Radušanske słowjanske hrodźišću předstajić“.
