Pančicy-Kukow (SN). „Klóšterski a swójbny swjedźeń“ wokrjesa Budyšin budźe tež lětsa zaso wulki kulturny wjeršk, kotryž je daloko přez mjezy wokrjesa woblubowany. Nětko pak je za wikowarjow a kulturnikow načasu so wobdźělenja dla přizjewić. To je hač do 25. februara 2024 móžno. Towarstwa, kulturne skupiny, ­wikowarjo a dalši móža so za wuhoto­wanje a aktiwne wobdźělenje přizjewić. Lětsa budźe swjedźeń 23. junija na ležownosći klóštra Marijineje hwězdy w Pančicach-Kukowje. Tež tónkróć pře­wozmjetaj abatisa Gabriele Hesse a krajny rada Udo ­Wićaz patronatstwo. Požadanske łopjena hodźa so na internetnych stronach klóštra , a wotwołać. Po samsnym puću móža so wikowarjo za nalětnje wiki přizjewić. Te wotměja so 28. apryla 2024. Tón dźeń zahaja w klóš­trje 30. sezonu klóšterskeje zahrody. ­Dalše informacije podawatej sobudźěłaćerka Sakskeho krajneho kuratorija (SLK) Sonja Hejduškec pod telefonowym čisłom 035796 971-30 abo e-mejlnje na sonja.heiduschka@slk-miltitz.

wužiwarske mjeno

klučowe hesło

Hišće žane wužiwarske konto zarjadowane?
Klučowe hesło zabył/a?
Wužiwarske mjeno zabył/a?