Swójsku tankownju na třěše chcedźa wužiwać

srjeda, 14. februara 2024
artikl hódnoćić
(0 )
Běrowowe twarjenje Hamorskeho gmejnskeho zarjadnistwa tuchwilu wonkownje saněruja. Mjez druhim instalowachu hižo fotowoltaikowu připrawu. Nětko ma bórze elektroawto slědować.  Foto: Constanze Knappe Běrowowe twarjenje Hamorskeho gmejnskeho zarjadnistwa tuchwilu wonkownje saněruja. Mjez druhim instalowachu hižo fotowoltaikowu připrawu. Nětko ma bórze elektroawto slědować. Foto: Constanze Knappe

Na gmejnskim zarjadnistwje w Hamorje maja nětko solarnu připrawu. Tohodla chce gmejna elektroawto kupić. Nimo toho saněruja tam fasadu a zatwarja lift.

Hamor (CK/SN). Wonkowne sćěny Hamorskeho gmejnskeho zarjadnistwa da komuna tuchwilu saněrować. Hižo w septembru 2023 běchu gmejnscy radźićeljo jednohłósnje rozsudźili, na třěše fotowoltaikowu připrawu z bateriju instalować. Nadawk we wobjimje 66 500 eurow přepodachu firmje z Delnjeho Wujězda. Spódnju konstrukciju su hišće w starym lěće dozhotowili. Mjeztym su tež solarne module připrawjene. Nětko chcedźa hišće bateriju instalować dać. Předwidźane tohorunja je, nabiwansku staciju za elektroawta natwarić.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND