Gmejnsku radu pomjeńša

pjatk, 16. februara 2024
artikl hódnoćić
(0 )

Mjenje wobydlerjow dla jenož hišće wosom radźićelow

Trjebin (CK/SN). Po komunalnych wólbach njezměje Trjebinska gmejnska rada hižo dwanaće gmejnskich radźićelow kaž dotal, ale jenož hišće wosom. Změnu hłownych wustawkow su radźićeljo na zašłym posedźenju wobzamknyli.

Z přesydlenjom Miłoraza zhubi gmejna něhdźe 200 swojich 850 wobydlerjow. Najwjetši dźěl je hižo přećahnył, přetož hač do kónca lěta ma přesydlenje wsy wotzamknjene być. Tuž je trěbne, komunalne zastupnistwo ličbje wobydlerjow přiměrić. Sakski gmejnski porjad poruča komunam z mjenje hač tysac wobydlerjemi radu z dźesać čłonami. Dokelž pak Trjebinska gmejna jasnje pod tejle ličbu wostanje, so gremij na wosom čłonow dojedna.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND