Woprawdźita šansa Łužicy na modelowy status

wutora, 20. februara 2024
artikl hódnoćić
(0 )

Grodk/Brüssel (SN/at). Delegacija Łužiskeho kruha je so dźensa do Brüssela podała. Zastupjerjo komunalneho zwjazkarstwa za wuwiće strukturow změja tam na třoch dnjach rozmołwy, zo bychu hospodarske zajimy regiona na europskej runinje zastupowali. Hižo dźensa popołdnju chcychu so měšćanostki Christine Herntier (Grodk), Simone Taubenek (Baršć) a Birgit Zuchold (Wjelcej) kaž tež měšćanosća Fred Mahro (Gubin), Ralf Brehmer (Rěčicy) a Manfred Heine (Sprjewiny Doł) z komisarom Europskeje unije Thierryjom Bretonom zetkać a za Łužicu jako přichodny „Net Zero Valley (dolina nettoweje nule)“ wabić.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND