„Pampuchowy puć“ wutwarja

pjatk, 23. februara 2024
artikl hódnoćić
(0 )
Wulkodubrawski wjesnjanosta Hardy Glausch so wjeseli, zo steji „Pampuchowy puć“ na prioritnej lisćinje wokrjesa. Tam maja nowotwarsku štwórć, za kotruž je tójšto zajimcow.  Foto: Uwe Menschner Wulkodubrawski wjesnjanosta Hardy Glausch so wjeseli, zo steji „Pampuchowy puć“ na prioritnej lisćinje wokrjesa. Tam maja nowotwarsku štwórć, za kotruž je tójšto zajimcow. Foto: Uwe Menschner

Spěchowanske srědki za planowanje pěstowarnje najprjedy njebudu

Wulka Dubrawa (UM/SN). Hakle před něšto tydźenjemi je regionalny wuběrk za strukturne wuwiće po brunicy nowotwarej pěstowarnje we Wulkodubrawskim wjesnym dźělu Chwaćicy přihłosował. Wčera dyrbješe wjesnjanosta Hardy Glausch (njestronjan) radźićelow wo zdźělence z Drježdźan informować, zo so dalše planowanje najprjedy raz dale njespěchuje. Kak nětko dale pokročuja, dotal jasne njeje. Poprawom chcychu nowu Chwačansku pěstowarnju lětsa planować a jednotliwe dźěła wupisać, zo móhli 2025 twarić započeć.

Ale je tež zwjeselacych powěsćow z gmejny. „Wjeselu so, zo je wutwar Martina Hoopoweje na prioritnej lisćinje ­Budyskeho wokrjesa za dróhotwarske spěchowanje zakótwjeny. Mam to za ­jara wažny projekt, kotryž móžemy nětko zwoprawdźić“, praji Wulkodubrawski wjesnjanosta. Hoopowu mjenuja we wobydlerstwje tež „Pampuchowy puć“, dokelž nadeńdźeš tam na spočatku a na kóncu puća pjekarjow Menzela a Jeremiasa. Rozrisać dyrbja při tym přede­wšěm prašenje kanalizacije.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND