W Budyskim wokrjesu připowědźuja zastanišća wotnětka dwurěčnje

Budyšin (SN/MiP). Prěnje busy, w kotrychž zastanišća w němskej a serbskej rěči připowědźa, su wot wčerawšeho na busowych linijach mjez Budyšinom a Kamjencom po puću. Serbske připowědźe słyšiš na přikład w někotrych busach linije 530 (Budyšin–Pančicy–Kamjenc). To zdźěli Julian Nyča, zamołwity za rěčne resursy w projekće ZARI w nošerstwje Domowiny. Tak zwoprawdźa dawno wujednany dypk ze zrěčenjow wokrjesa Budyšin z busowymi předewzaćemi.