Připowědźe měli serbske być

štwórtk, 14. měrca 2024
artikl hódnoćić
(0 )

Budyšin (CS/SN). Serbski dźěłowy kruh města Budyšin je so wčera, srjedu, z dwurěčnym popisanjom tafličkow w měsće zaběrał. Pokazki na turistiske zajimawostki su hižo w samsnej wulkosći němsce a serbsce popisane. Čłonojo kruha pak sej přeja, přichodnje tež do toho do nowych popisanskich projektow poradźowacy zapřijeći być. Tole móhło so na přikład lětsa stać, hdyž ponowja Mužakowsku dróhu.

Dale so woprašowachu čłonki a čłonojo kruha tež Jana Budarja za temu, hač měł so dźěłowy kruh na wuběrk změnić. Wón je z čłonom wokrjesneho sejmika a dźěła tam sobu w kruhu za serbske naležnosće. Wón skedźbni na trend na wokrjesnej runinje, ličbu wuběrkow wobmjezować. Tam ma so serbski dźěłowy kruh do wuběrka za kulturu a kubłanje integrować, wšako su temy častohdy dosć jenake. Kritiku zwuraznješe Budar tež hladajo na noworjadowanje wólbnych wokrjesow. Při tutym njebě so serbski sydlenski rum wobkedźbował a hišće bóle rozkuskował.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND