Wjele pjenjez za kulturny dom

póndźela, 25. měrca 2024
artikl hódnoćić
(0 )
Biskopičanski wyši měšćanosta Holm Große (naprawo) a hospodarski spěchowar Manuel Saring móžetaj lědma wočaknyć, zo kulturny dom města přetwarić započnu.  Foto: Uwe Menschner Biskopičanski wyši měšćanosta Holm Große (naprawo) a hospodarski spěchowar Manuel Saring móžetaj lědma wočaknyć, zo kulturny dom města přetwarić započnu. Foto: Uwe Menschner

Twarske kóšty so podwojili – na měšćansku kasu so lědma wuskutkuje

Biskopicy (UM/SN). Za komunalny a kulturny centrum, kiž ma w něhdyšim Biskopičanskim kulturnym domje nastać, je měšćanska rada wažne wuhibki stajiła. Z jednym napřećiwnym hłosom wobzamknychu radźićeljo cyłkowny koncept financowanja. Kaž twarska nawodnica města Heidi Hofmann-Mäder a Sebastian Pietsch z ležownostneho zarjada rozłožištaj, twarske kóšty wot spočatnje planowanych 16,2 milionaj eurow na 30,2 milionaj eurow rozrostu. Štož zda so eksorbitantne podróšenje być, pak so na měšćansku kasu njewuskutkuje. Dokelž nětko ze spěchowanjom 95 procentow z hornca za změnu strukturow liča, wučinja podźěl města aktualnje 1,6 milionow eurow. Při prěnim wobličenju bě wón runje tak wulki, dokelž wuchadźachu hišće ze snadnišim spěchowanjom.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND