Rekord zapodatych namjetow za filmowy festiwal w třikrajowym róžku

Wulke Hendrichecy (AK/SN). „Žónske perspektiwy“ steja w fokusu 21. Nysoweho filmoweho festiwala (NFF), kotryž wuhotuje Wulkohendrichečanske (Großhennersdorf) towarstwo Kunstbauerkino wot 14. do 19. meje na zwučene wašnje na 19 hrajnišćach w třikrajowym róžku. Tak pokazaja filmy na přikład we Varnsdorje, w Žitawje, Běłej Wodźe, Sieniawce a Budyšinje, hdźež prezentuja 17. meje „Serbske krajiny“. Patronatstwo wukonjeja znowa ministerski prezident Sakskeje Michael Kretschmer, hejtman Liberecskeho kraja Martin Půta a měšćanosta Zgorzeleca Rafał Gronicz.