Zakładny kamjeń za nowu wyšu šulu w Barće połoženy

Bart (CS/SN). Malešanska wyša šula so runjewon puka. Wot 5. do 7. lětnika maja stajnje tři rjadownje. Dohromady wuknje tuchwilu 330 šulerjow w 14 rjadownjach. Najwjetši čas potajkim, zo budźe nowy a rozšěrjeny twar wyšeje šule w Barće prawje spěšnje hotowy. Za to su minjeny pjatk zakładny kamjeń połožili. Swjatočny akt wotmě so w přitomnosći zapósłancow Sakskeho krajneho sejma Marka Šimana (CDU) a Franka Peschela (AfD).