×

Powěsć

Failed loading XML...

Poslednja wuměłska kofejownja

štwórtk, 30. meje 2024
artikl hódnoćić
(0 )

Njebjelčicy (SN/MiR). Projekt „X wjeski“ so tele dny w Njebjelčicach skónči. Tutón je tamniše towarstwo Sowutu w kooperaciji z Drježdźanskim Statnym dźiwadłom wot lońšeje nazymy w Njebjelčicach přewjedł. Dwójce wob měsac su na zarjadowanja přeprosyli, kotrež mějachu wšitke hinaši raz.

K zahajenju běchu serbske hiphopowče Kolektiwa klanki wustupili. Tež na dalšich sobotach hraještej serbska rěč a kultura wulku rólu. „Wopytowarjo su wosebje te dny derje přiwzali, na kotrychž móžachu sami aktiwni być. Na přikład su so z tradicionalnym wašnjom tkanja zawkow za stólcy zaběrali, woni su z wołmu pjelsćili, jutrowne jejka na serbske wašnje debili, žałby po ­čistym přirodnym wašnju připrawili“, rjekny sobuzałožerka towarstwa So­wutu Marlies Richter w mjenje projektoweho nawodnistwa „X wjeski“. Dźěći běchu zahorjene wo zhotowjenju ručnych klankow kaž tež wo dźiwadłowym a rejowanskim projekće.

wozjewjene w: Łužica
Prošu přizjewće so, chceće-li komentar podać

nowostki LND