Njewotwisny Serb wažny

štwórtk, 30. meje 2024
artikl hódnoćić
(0 )
Jan Budar chce serbske zajimy z mandatom Serbskeho wolerskeho zjednoćenstwa w Budyskim wokrjesnym sejmiku dale zastupować. Foto: SN/Bojan Benić Jan Budar chce serbske zajimy z mandatom Serbskeho wolerskeho zjednoćenstwa w Budyskim wokrjesnym sejmiku dale zastupować. Foto: SN/Bojan Benić

Wokrjesny radźićel z mandatom SWZ Jan Budar 9. junija znowa k wólbam sejmika nastupi

Jako nowačk a z mandatom Serbskeho wolerskeho zjednoćenstwa (SWZ) je Jan Budar 2019 do Budyskeho wokrjesneho sejmika zaćahnył. Kak wón nachilacu so wólbnu dobu posudźuje? Axel Arlt je so z nim rozmołwjał.

Što běchu za Was wyšiny w dźěławosći sejmika?

J. Budar: Za wjerškaj mam přiznaće wokrjesneho sejmika k cyłemu projektej „Serbski forum wědy při Lawskim arealu“ kaž tež wobzamknjenje, zo wo­krjes Serbski muzej w tuchwilnym wobjimje dale podpěra. Tež, hdyž wón přećehnje.

Planowanje šulskeje syće běše dlijaca so tema. Smy husto wo tym rěčeli, serbske aspekty takrjec zapřijeli.

Dwě naležnosći jako nižinje wobhladuju: Jónu je to woprawdźita adhoc-akcija za nowe přirězanje wólbnych wokrjesow. Tam dyrbjachu wěsty proporc wobkedźbować, nic pak serbski sydlenski rum. Za dalšu nižinu mam namjet frakcije AfD, wutworić Kulturnu tzwr z Němsko-Serbskim ludowym dźiwadłom, Serbskim muzejom, hudźbnej šulu a ludowej uniwersitu. To bě wočiwidne, zo je AfD jenož wo lutowanje šło.

wozjewjene w: Łužica
Prošu přizjewće so, chceće-li komentar podać

nowostki LND