Wot septembra hród ponowja

pjatk, 31. meje 2024
artikl hódnoćić
(0 )
Wot lětušeho septembra chcedźa Rakečanski hród a pódlanske twarjenja wobšěrnje saněrować.  Foto: Uwe Menschner Wot lětušeho septembra chcedźa Rakečanski hród a pódlanske twarjenja wobšěrnje saněrować. Foto: Uwe Menschner

Tež Rakečanska gmejna swój podźěl k poradźenju projekta přinošuje

Rakecy (UM/SN). W Rakecach saněrowanje tamnišeho hrodu z połnej paru přihotuja. Kaž nowinski rěčnik statneho zawoda Sakske imobilije a twarski management (SIB) Alwin-Rainer Zipfl zdźěli, planuja zahajenje twarskich dźěłow na twarjenjach krajneje rybarskeje šule w septembru 2024. „Při tym ma so na hrodźe, internaće, na tak mjenowanej picowanskej bróžni a oranžeriji w dalokej měrje runočasnje dźěłać. Hač dosrjedź lěta 2026 ma wšitko hotowe być“, praji Zipfl. Hižo w lětomaj 2022/2023 běchu dodźeržanu murju wokoło parka saněrowali. Do zahajenja twarskich dźěłow přewjedu tohorunja točenja za přichodne zastaranje z ćopłotu.

wozjewjene w: Łužica
Prošu přizjewće so, chceće-li komentar podać

nowostki LND