Naslědnistwo firmy zaručene

pjatk, 31. meje 2024
artikl hódnoćić
(0 )
Šćěpan Čornak (nalěwo) zhladuje jutře na 30lětne wobstaće swojeho zawoda za kładźenje kachlicow a twar kachlow. Poněčim chce jón swojemu synej Dawidej přepodać, kiž je wot jutřišeho dalši jednaćel firmy.  Foto: Marian Wjeńka Šćěpan Čornak (nalěwo) zhladuje jutře na 30lětne wobstaće swojeho zawoda za kładźenje kachlicow a twar kachlow. Poněčim chce jón swojemu synej Dawidej přepodać, kiž je wot jutřišeho dalši jednaćel firmy. Foto: Marian Wjeńka

W 1990tych lětach je so w Hornjej Łužicy wjele rjemjeslnikow zesamostatniło. Mjeztym zo su někotři ze swojim předewzaćom zwrěšćili, su druzy wuspěšnje dźěłali a zhladuja mjeztym na tři lětdźesatki skutkowanja. Tež w Konjecach serbski rjemjeslnik jutře tónle jubilej woswjeći.

Ze Šćěpanom Čornakom sej termin dorěčeć scyła tak jednore njeje. 55lětny ma ruce połnej dźěła, dom a zahrodu a z pčołkami hobby, kotryž sej tohorunja čas žada. Jutře wot 11 hodź. pak budźe wón z wěstosću w swojim zawodźe w Konjecach pódla towarstwoweho domu. Jeho firma za kładźenje kachlicow a twar kachlow swjeći 30lětne wobstaće. K tomu wočakuje wón swojich sobudźěłaćerjow, přećelow, wobchodnych partnerow a wjesnjanow, zo móhł z nimi swjećić a na minjene tři lětdźesatki zhladować.

wozjewjene w: Łužica
Prošu přizjewće so, chceće-li komentar podać

nowostki LND