„Šnajdrec wnučki“ zaspěwali

póndźela, 10. junija 2024
artikl hódnoćić
(0 )
Chór wnučkow Hany Šnajdroweje a Bena Šnajdra ze Smječkec je pjatk wječor na Błažikec-Kaulfürstec dworje w Kukowje něhdźe sto připosłucharjow zahorił. Pod dirigentstwom Jadwigi Kaulfürstoweje zaspěwa tež tón abo tamny swětowy hit, mjez druhim Cohenowe „Haleluja“ abo serbsku wersiju sławneje pěsnje Louisa Armstronga „What a wonderful world“.  Foto: Feliks Haza Chór wnučkow Hany Šnajdroweje a Bena Šnajdra ze Smječkec je pjatk wječor na Błažikec-Kaulfürstec dworje w Kukowje něhdźe sto připosłucharjow zahorił. Pod dirigentstwom Jadwigi Kaulfürstoweje zaspěwa tež tón abo tamny swětowy hit, mjez druhim Cohenowe „Haleluja“ abo serbsku wersiju sławneje pěsnje Louisa Armstronga „What a wonderful world“. Foto: Feliks Haza

Njewšědny swójbny chór ze serbskimi a mjezynarodnymi pěsnjemi zahorił

Pančicy (SN). Hižo třeći króć wotmě so pjatk wječor na kopaće połnym Błažikec-Kaulfürstec dworje w Kukowje wosebity koncert. Po tym, zo běštej jón w zašłymaj lětomaj skupinje Wólbernosće a Přezpólni wuhotowałoj, wustupichu tónkróć wnučki Hany Šnajdroweje a Bena Šnajdra ze Smječkec, kotryž by lětsa swoje 100. narodniny woswjećił, hromadźe ze swojimi partnerami. Dohromady 16 spěwarjow a instrumentalistow poskići pisany program. Znate serbske štučki kaž „Słyšće kak pišćele w korčmje du“, „Maćernu rěču lubuju“ abo klasikar Zejlerja a Kocora „Tam kóždy dźeń je lubosć nowa“ wotměnjachu so z klasiskim a popowym mjezynarodnym repertoirom. Tež publikum dósta składnosć, někotre chórowe sadźby sobu spěwać, na přikład znate słowakske „Aká si mi krásna“. Hromadźe z akordeonom zanjese připosłucharstwo z elanom pěsnje kaž „Lubka lilija“ abo „Pod Kulowom w holi“.

wozjewjene w: Łužica
Prošu přizjewće so, chceće-li komentar podać

nowostki LND