Rozsud z njejasnym wukóncom

srjeda, 19. junija 2024
artikl hódnoćić
(0 )

Njeswačanska gmejnska rada po debaće kompromis namakała

Njeswačidło (JK/SN). Dołho je trało, doniž njebě so Njeswačanska gmejnska rada wčera na swojim poslednim posedźenju do lěćneje přestawki dojednała na rozrisanje, při kotrymž mnohim radźićelam derje njebě. Znowa dźěše wo třěchu zakładneje šule a trěbne nuzne wobnowjenje, zo by so dalšim škodam přez włóžnotu zadźěwało. Hižo w mejskim posedźenju su wo tym rěčeli, a so tež na to dojednali, zo za přičinami mokroty slědźa. Trěbne dźěła za to chcychu w prózdninach přewjesć. Te so nětko započinaja a wjele so hišće stało njeje. Radźićeljo mějachu samo na sebi přepodać nadawki za trěbne dźěła na třěše. Do toho pak chcychu so rady na to dojednać, štó naprawu technisce a fachowje přewodźa a hač njeje snano lěpje, hdyž wěcywustojny přičinu włóžnoty namaka a napřećo něhdyšim twarcam zastupuje. To móhło gmejnje wudawki za naprawu znižić.

wozjewjene w: Łužica
Prošu přizjewće so, chceće-li komentar podać

nowostki LND