Wulki hołk a tołk w klóštrje

póndźela, 24. junija 2024
artikl hódnoćić
(0 )
Při lětnim wjedrje je wčera wjele stow ludźi na swjedźeń swójbow do klóštra Marijineje hwězdy w Pančicach-Kukowje přichwatało. Program na jewišću wuhotowachu mjez druhim chowancy tamnišeje spěchowanskeje šule.  Foto: Jadwiga Šnajdrec Při lětnim wjedrje je wčera wjele stow ludźi na swjedźeń swójbow do klóštra Marijineje hwězdy w Pančicach-Kukowje přichwatało. Program na jewišću wuhotowachu mjez druhim chowancy tamnišeje spěchowanskeje šule. Foto: Jadwiga Šnajdrec

Tysacy ludźi lětsa zaso klóšterski a swójbny swjedźeń wokrjesa wopytało

Pančicy-Kukow (JŠn/SN/MiP). Lěto wob lěto přiwabi klóšterski a swójbny swjedźeń Budyskeho wokrjesa w klóštrje Marijinej hwězdźe tysacy ludźi do Pančic-Kukowa. Lětsa běše jich dohromady 4 500. Zarjadowanje steji pod patronatstwom abatisy Gabriele Hesse a Budyskeho krajneho rady Uda Wićaza (CDU).

Ze swjedźenskej Božej mšu zahaji biskop Zhorjelskeho biskopstwa Wolfgang Ipolt dźeń na swjatočne wašnje w klóšterskej cyrkwi. Njebjelčanski cyrkwinski chór pod nawodom Krystofa Mikławška je kemše hudźbnje ­wobrubił. Na klóšterskim dworje, w klóšterskej zahrodźe kaž tež kołowokoło njeje běchu runja zašłym lětam regionalne a přirodowe wiki, na kotrychž je wjace hač 50 wikowarjow z wokoliny swoje produkty prezentowało. Nic jenož lubowarjo regionalnych delikatesow su tu na swoje kóšty přišli, tež fanojo domoródneho rjemjesła su tón abo tamny rjany a žadny kruch nadešli. Wot připołdnja powita kapała wohnjowych wobornikow z Frankenthala hosći z wjesołej dujerskej hudźbu.

wozjewjene w: Łužica
Prošu přizjewće so, chceće-li komentar podać

nowostki LND