Zhromadnje hudźbnje po Łužicy po puću byli

wutora, 25. junija 2024
artikl hódnoćić
(0 )
Hósć lětušeho koncerta Radworskeho chóra Meja běchu spěwarki a spěwarjo chóra Łužyca z Choćebuza, kiž nawjeduje Milena Stockowa.  Foto: Bosćij Handrik Hósć lětušeho koncerta Radworskeho chóra Meja běchu spěwarki a spěwarjo chóra Łužyca z Choćebuza, kiž nawjeduje Milena Stockowa. Foto: Bosćij Handrik

Radwor (SN/MkWj). Tójšto hosći je předwčerawšim, njedźelu, přeprošenje Ra­dworskeho chóra Meje na kóždolětny koncert pod hołym njebjom sćěhowało. Spěwne popołdnjo wotmě so kaž hižo loni zaso na farskej łuce w bjezposrědnym susodstwje wosadneje cyrkwje w chłódku štomow.

Koncert steješe lětsa pod hesłom ­„Jězba po Łužicy“. Wotpowědujo tomu běchu spěwarki a spěwarjo chóra pisany program zestajeli. Jako hosći witachu ­lětsa chór Łužyca z Choćebuza, kotryž ­nawjeduje Milena Stockowa. Wo ćělne derjeměće postarachu so swójbni spěwarjow z kofejom, tykancom a praženymi kołbaskami. Profesionalny zwuk zaruči Jan Bilk ze swojim młodym pomocnikom Feliksom Wenclom. Při klawěrje přewodźeše Meju spušćomnje Jan Brězan.

Po programje wjedźeše Lydija Młynkowa na zwučene lóštne wašnje. Wona dźěći namołwješe, tola raz zličić a napisać, kelko městow a wsow so w spěwach jewja. Na kóncu bě jich na wšě 20.

wozjewjene w: Łužica
Prošu přizjewće so, chceće-li komentar podać

nowostki LND