Njeswačanska gmejnska rada nowu legislaturu zahajiła
Njeswačidło (JK/SN). Mnozy wobydlerjo běchu na prěnje posedźenje noweje gmejnskeje rady gmejny Njeswačidło wčera wječor na žurlu tamnišeho wjesneho hosćenca přichwatali. Wjesnjanosta Gerd Schuster (CDU) bilancowaše zašłych pjeć lět dźěławosće gmejny a gmejnskeje rady. Něhdyša gmejnska rada bě 70 razow wuradźowała a wjace hač 250 naprawow wobzamknyła a rozsudow tworiła. Při tym su radźićeljo 2,3 miliony eurow wudawkow wobzamknyli. Tute su přewažnje do wobnowjenja dróhow inwestowali, ale tež za rjedźenje wopłóčkow a planowanje nowotwara pěstowarnje.
