Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (41)
W zašłosći su wšelake mrětwy dopokazali, zo hodźa so epidemije najlěpje skludźić, hdyž jedna so po principje „one health“. Koncept złožuje so na slědowace zrozumjenje: Stabilna strowota so wutwori, jeli so wobkedźbuje, zo čłowjek, zwěrjata a wobswět w mjezsobnym poćahu steja. To woznamjenja, zo kóždu swójsku poliwku njewari, ale zo zmóžnja so zhromadne dźěło ekspertow mjenowanych wobłukow. Wosebitu płaćiwosć ma wony princip w zwisku z coonozami. To su chorosće, kotrež zwěrjo lochce na čłowjeka přenjese a nawopak.
