Wobydlerske drustwo wosebity swjedźeń w Terpjem wuhotowało
Terpje (JoS/SN). W Terpjem, je tamniše wobydlerske drustwo minjenu sobotu na běrnjacy swjedźeń přeprosyło. Wjesku přemjenowachu w lěće 1959 do Čorneje Pumpy a přirjadowachu w lěće 1998 jako wjesny dźěl Čorneje Pumpy městu Grodkej. Po dnju hórnikow kaž tež hońtwjerskim a ratarskim swjedźenju běše běrnjacy lětsa třeći swjedźeń, kotryž je so wuhotował. Zhubjene serbske tradicije a serbsku kulturu chcedźa Terpjenjo rady zaso wožiwić. Na tym woni zaměrnje dźěłaja.
