Piwowa kultura a wjele hudźby

wutora, 01. oktobera 2024

E-Paper: Serbske Nowiny 191

artikl hódnoćić

(0 )

wulkosć pisma Schriftgröße verkleinern Schrift vergrößern

Z natočenjom kózłopiwa (Bockbieranstich), sobotu na swjedźenju Kulowskeje měšćanskeje piwarnje, su piwarc Winfried Pollack, jednaćel piwarnje Stefan Glaab a měšćanosta Markus Posch (CDU, wotlěwa) lětušu nazymsku a zymsku piwowu sezona zahajili. Wjace hač 80 lět swójba Glaabec mjeztym piwarnju hižo wjedźe. Na swjedźeń piwarnje, kotryž je so cyły kónc tydźenja wotměwał, je wona publikum lětsa 32. raz přeprosyła. Mjez druhim je zajimowanych tež po piwarni wodźiła. Foto: Rochus Schleicher

Swójba Glaabec na 32. swjedźeń piwarnje do Kulowa prosyła

Kulow (SN/lmc). Nic jenož w Mnichowje so tuchwilu piwowe karany napjelnjeja – tež we Łužicy. Wšako ma wona podobnu dołhu piwarsku tradiciju. W Kulowje je piwarnja swójby Glaabec zańdźeny kónc tydźenja na 32. swjedźeń piwarnje přeprosyła. Prěnja piwarnja w Kulowje bu w lěće 1356 naspomnjena, Glaabecy wjedu měšćansku piwarnju dlěje hač 80 lět.

Wot pjatka do soboty njesteještej jenož lokalna piwowa kultura a mjezsobna zhromadnosć w srjedźišću, ale tež regionalne rjemjeslniske wuměłstwo měješe tu swoje městno. W pisanym poskitku je kóždy wopytowar zawěsće něšto zajimaweho za sebje nadešoł. Pjatk wječor zahaji hudźbna live-band „Kuchen Suppe Wlan“ swjedźeń piwarnje. Po tym staj DJjej „Wintus a Kaschti“ z najnowišimi hitami hač do nocy dobru naladu zaručiłoj.

wozjewjene w: Łužica

Galerija

Z natočenjom kózłopiwa (Bockbieranstich), sobotu na swjedźenju Kulowskeje měšćanskeje piwarnje, su piwarc Winfried Pollack, jednaćel piwarnje Stefan Glaab a měšćanosta Markus Posch (CDU, wotlěwa) lětušu nazymsku a zymsku piwowu sezonu zahajili. Wjace hač 80 lět swójba Glaabec mjeztym piwarnju hižo wjedźe. Na swjedźeń piwarnje, kotryž je so cyły kónc tydźenja wotměwał, je wona publikum lětsa 32. raz přeprosyła. Mjez druhim je zajimowanych tež po piwarni wodźiła. Foto: Rochus Schleicher

wjace z tohole wobłuka: « Po třoch lětach a třoch měsacach nawróći so minjenu sobotu ... « Rohodź w zarosćenym haće posyku

Prošu přizjewće so, chceće-li komentar podać

k spočatkej