Prěni raz zaso wojerska hara

pjatk, 17. januara 2025
artikl hódnoćić
(0 )
Woni rozłožichu zaměr a móžne poćežowanja přez zwučowanje „Zymski wichor“ na wojerskim zwučowanišću Hornja Łužica: nawoda pjeć wojerskich zwučowanišćow wuchodneje Němskeje podpołkownik Roman Jähnel, komandant regimenta parašutistow połkownik Oliver Henkel a komandant zwučowanišća Hornja Łužica podpołkownik René Pierschel.  Foto: Constanze Knappowa Woni rozłožichu zaměr a móžne poćežowanja přez zwučowanje „Zymski wichor“ na wojerskim zwučowanišću Hornja Łužica: nawoda pjeć wojerskich zwučowanišćow wuchodneje Němskeje podpołkownik Roman Jähnel, komandant regimenta parašutistow połkownik Oliver Henkel a komandant zwučowanišća Hornja Łužica podpołkownik René Pierschel. Foto: Constanze Knappowa

Wot 20. januara zwučuja parašutisća na wojerskim zwučowanišću

Wuskidź (CK/SN). Wot 20. januara přewjedźe 26. połk parašutistow zwjazkoweje wobory na wojerskim zwučowanišću Hornja Łužica dwaj tydźenjej trajace zwučowanje „Zymny wichor“. Wobdźě­lenych je něhdźe 1 200 muži a žonow w uniformje kaž tež lětadła typa Tor­nado a Eurofighter. Z tym budźe po 15 ­lětach zaso wojerska hara nad regionom słyšeć.

Nadawk regimenta je trenować, kak ludźi z krizowych kónčin wuswobodźa. Jako přikład mjenuje połkownik Oliver Henkel wuswobodźenje 430 wosobow ze Sudana w lěće 2023. Jako jednotka, kotraž hodźi so spěšnje zasadźić, dyrbja po 48 hodźinach efektiwnje jednać móc. Za to je wobstajne zwučowanje trěbne.

Połkej přisłuša 1 800 wojakow w dźesać kompanijach, k tomu zastaranske jednotki kaž tež sanitetarjo a lěkarjo, ­kotřiž móža tohorunja z parašutom skakać. Na zwučowanišću pola Wuskidźe chcedźa hłownje třěleć zwučować, za čož skića připrawa wuběrne wuměnjenja, kaž Oliver Henkel wě.

wozjewjene w: Łužica
Prošu přizjewće so, chceće-li komentar podać

Chróšćan Šulerjo

nowostki LND