Spěwajo sej rěč wotkrywaja poručenje

póndźela, 12. meje 2025
artikl hódnoćić
(0 )
Intensiwny kurs hornjoserbšćiny „Domoj“, kotryž syć za serbsku rěč a regionalnu identitu ZARI lětsa prěni raz přewjeduje, wobohaćeja prawidłownje tež rěčni motiwatorojo z wosebitymi projektami. Z Julianu Kaulfürstowej (nalěwo) su so šulerjo na přikład ze zelemi blišeje wokoliny zaběrali.  Foto: ZARI/Jadwiga Brězanowa Intensiwny kurs hornjoserbšćiny „Domoj“, kotryž syć za serbsku rěč a regionalnu identitu ZARI lětsa prěni raz přewjeduje, wobohaćeja prawidłownje tež rěčni motiwatorojo z wosebitymi projektami. Z Julianu Kaulfürstowej (nalěwo) su so šulerjo na přikład ze zelemi blišeje wokoliny zaběrali. Foto: ZARI/Jadwiga Brězanowa

Šulerjo intensiwneho kursa serbšćiny so w rěčnym hnězdźe doma čuja

Wulke Zdźary (SN/MiP). Minjenu wutoru popołdnju na Krabatowym nowym wudworu we Wulkich Zdźarach: Serbske Nowiny su na wopyće w rěčnym hnězdźe intensiwneho kursa hornjoserbšćiny z mjenom „Domoj“, kotryž projekt ZARI lětsa prěni raz dwanaće wobdźělnikam poskićuje. Prěni wot dohromady dźewjeć wuwučowanskich měsacow je nimo. Zaměrnje a połna wjesela zwučuje črjódka kur­sistow wonka na terasy dźěćacy kanon „We wsy steji rjana lipa zelena. Pčołki po njej zynčo, frunčo lětaja ...“. Čiła je tež ­atmosfera nutřka w domje. Z rěčnej mo­tiwatorku Raphaelu Wićazowej pjeku ­někotři šulerjo w kuchni pilnje plincy, tamni warja kofej, druzy kryja blido. Při tym so serbsce rozmołwjeja.

wozjewjene w: Łužica
Prošu přizjewće so, chceće-li komentar podać

Chróšćan Šulerjo

nowostki LND