W Kašecach hakle wot srjedź přichodneho tydźenja truskalcy šćipaja
Kašecy (SN/MWj). W kupnicach su truskalcy nimale cyłe lěto na předań. Ze wšěch móžnych krajow je samo w zymje k nam dowožuja. Woprawdźe słódne pak wone hakle su, hdyž je w zahrodce abo na polu čerstwe šćipaš. Na to drje něchtóžkuli hižo dawno žadosćiwje čaka. Tróšku sćerpnosće pak hišće trjebamy, wot dr. Christiana Bocka w Kašecach zhonichmy.
