W Chrjebi spominaja na 400lětne wobstaće tamnišeje cyrkwje

Chrjebja (AK/SN). Ewangelska wosada w Chrjebi sej swoje serbske korjenje wuwědomja. Wona chce swoje stawizny a swoju jónkrótnosć wobchować. K tomu słušatej serbskej bibliskej citataj na emporje pišćelow. Tole wuzběhny farar Albrecht Bönisch njedawno po wječoru z literarnej wědomostnicu a spisowaćelku dr. Christianu Piniekowej z Choćebuza. „Serbska rěč w Chrjebi“ bě hesło wječora, kiž bě wobstatk jubileja „400 lět Chrjebjanska cyrkej“. Něhdźe 30 zajimcow je na zarjadowanje přichwatało.