Radwor (BB/SN). To je srjedu někotrym čłonam Radworskeje gmejnskeje rady chětro pod kožu šło! Nawoda regional­neje wuchowanskeje słužby wuchodneje Sakskeje we Wojerecach Stefan Schumann je jim wšědny dźeń wuchowan­skeje słužby předstajił. Što so na přikład stawa, hdyž něchtó nuzowe čisło 112 za­zwoni: „Moja partnerka je so zwjezła, jeje wutroba hižo njebije!“ Z krótkimi filmami a originalnymi zwukami wón pokaza, kak ludźom při telefonje pomhaja a jich při prěnjej pomocy podpěruja, doniž chorobne awto njepřijědźe.