Jubilejny tydźeń wčera w Malešecach z wjerškom zakónčili
Malešecy (CS/SN). Najebać wulku horcotu běchu wčera popołdnju mnozy wćipni do Malešec přichwatali a při dróhach stali, zo bychu wulki swjedźenski ćah składnostnje 800lětneho wobstaća Malešanskeje gmejny sobu dožiwili. Blečki w chłódku běchu jara požadane. Někotrych wobdźělnikow, na přikład wohnjowych wobornikow, kiž běchu dospołnu monturu zdrasćeni, wobydlerjo chětro wobdźiwachu. Wobory, mjez kotrymiž bě tež hóstna wobora z čěskeho Desná (Dessendorf) běchu na kóncu swjedźenskeho ćaha widźeć. Ćah bě wjeršk swjedźenskeho tydźenja w Malešecach.
