Połlětna rozprawa wo hospodarskim planje a dobre wuhlady
Kulow (AK/SN). Město Kulow swój dołh konsekwentnje pomjeńšuje. Tole wuzběhny komornik Mathias Kockert srjedu na posedźenju měšćanskeje rady w swojej połlětnej rozprawje wo hospodarskim planje 2025. „Kónc lěta 2024 mějachmy dohromady 1,2 milionaj eurow dołha. Lětsa wjace hač 500 000 eurow wotpłaćimy. Kónc 2028 budźe najskerje kóždy stary dołh města ze zašłych lět wotpłaćeny“, Kockert rozłoži.
