Friedhard Krawc spěwa we wjacorych chórach sobu, mjez druhim w chórje ­Budyšin. Na swojim statoku plahuje wšelaki skót a mjeztym wón tež piwo wari. Milenka Rječcyna je so z poslednim so wuznawacym Serbom ze Swóńcy (Großschweidnitz) njedaloko Lubija ­rozmołwjała.

Z kotreje přičiny wabiće ze serbskorěčnej internetnej stronu za swoje piwo?

F. Krawc: Němskorěčni kupcy njech wužiwaja přełožowanske programy, zo bychu poskitk čitać móhli. Nimo toho nimam wotpohlad, piwo we wulkim stilu předawać. Přiwšěm pak sym małe předewzaće přizjewił.

Piwa, kotrež poskićujeće, maja jara wobrazliwe mjena. Kak sće na nje přišoł?

F. Krawc: To su mjena dźowki a wnučkow. Tak warju družiny kaž Gustawowe měrcowske, Leńcyny lubušk abo tež Klarina nadźija. Mam pak tež čornu a swětłu Serbowku w poskitku.

Kak sće k tomu přišoł, so warjenju piwa wěnować?