Domowina je spočatk apryla we Wulkich Zdźarach rěčny projekt DOMOJ zahajiła. To je intensiwny kurs serbšćiny, kotryž dźewjeć měsacow traje. Dohromady dwanaće wobdźělnikow wuknje zhromadnje w tak mjenowanym rěčnym hnězdźe. W přichodnych tydźenjach jich w našim wječorniku předstajimy. Saule Ruddigkeit zwurazni, zo je jej serbska rěč žedźba za domiznu.

Wšitko je so w Čornym Chołmcu započało, hdźež wuhlada w fotowym kašćiku wobraz pěstowarnje, na kotrymž su dźěći w serbskej narodnej drasće widźeć.

Sym Saule Ruddigkeit. Narodźich so w Kazachstanje. Tam sym wuknyła a dźěłała. W swojim ródnym kraju dźěłach jako pjekarka za wolijowy koncern. Swojeho němskeho muža sym w našim měsće zeznała. Wón bě powołansce dlěši čas tam. Po jednym zhromadnym lěće w Kazachstanje smój wjele lět w mnohich krajach po wšěm swěće dźěłałoj.