Towarstwo Serbska Murja mjez najlěpšimi wubědźowanja załožby

Budyšin (SN/CeK). Idejowe wubědźowanje „Rěč zwjazuje. Rěc zwězujo. Sorbisch verbindet.“ Załožby za serbski lud, pytaše kreatiwne projekty, kotrež serbsku rěč widźomnu činja a dwurěčnosć we Łužicy skruća. Cyłkownje steja 70 000 eurow mytowanskeho pjenjeza k dispoziciji, z kotrymiž 17 najlěpšich idejow podpěraja.

Serbska Murja, serbske towarstwo za „kubłanje a keklije“ - kaž so woni sami mjenuja - je so tež na wubědźowanju idejow wobdźěliła. Njedawno su jim zdźělili, zo słuša jich projekt k 17 najlěpšim.