Kulow (AK/SN). Statny zawod Sakski lěs wobhospodarja za město Kulow 181,6 hektarow měšćanskeho lěsa. Tole čini zawod z wulkej zamołwitosću a do přichoda hladajo, rjekny rewěrowa hajnica Dorit Kobalz srjedu na posedźenju měšćanskeje rady. „Kulowski měšćanski lěs je w dobrym stawje. Tu a tam mamy hišće hnězda skórnika. Potrjechene štomy chcemy bórze pušćić.“ Hospodarski plan 2026 za měšćanski lěs radźićeljo jednohłósnje wobzamknychu. W nim je trochu wjace hač 20 000 eurow dochodow a nimale 18 000 eurow wudawkow předwidźanych. Pod smužku zwostanje potajkim mały dobytk.