Radwor (VaŽ/SN). Skupina Astronawt a Milena Wowčerjec stej sobotu w Radworskim hosćencu „Meja“ nazymski koncert wuhotowałoj. Organizował je jón zarjad Domowiny, Załožba za serbski lud je koncert spěchowała. Radworčan Wito Bejmak wopytowarjow na połnje wobsadźenej žurli witaše.
Mateja Dźisławka, kiž spěwaše a na keyboardźe hraješe, přewodźachu Oliver Wilhelm Böhme na bijadle, Radworčan Józef Hantuš na basu a cellu kaž tež jeho bratr Jurij na huslach. Publikum njeje jenož 22lětna Milena Wowčerjec ze swojim krasnym hłosom zahoriła, ale tež předsyda Serbskeje Murje Pětr Dźisławk, kotryž wjacore serbske titule rapowaše. Tuž běchu funk, pop, swójske kompozicije kaž tež ludowe pěsnje słyšeć.
