Budyšin (SN/mb). Wjac hač tysac ludźi je Budyskemu wyšemu měšćanosće Karstenej Vogtej (CDU) w online-peticiji soli­daritu wuprajiło. Woni wabja za „stabilitu a respekt“ a wotpokazuja namjet Wobydlerskeho­ zwjazka Budyšin (BBBz), wotwolenje Vogta zahajić. Wo tym ma měšćanska rada srjedu wothłosować – po postajenju sakskeho porjada za gmejny bjez diskusije. Jeli tři štwórćiny z 30 radźićelow z „haj“ wothłosuja, změja Budyscy wolerjo doskónčnje wo přichodźe swojeho měšćanosty rozsudźić. Peticiju su mj. dr. Julian Nyča, Robert Lorenc, sudnik Dirk Hertle, něhdyši nawoda Smochčanskeho kubłanskeho domu swjateho Bena Peter-Paul Straube, Budyski ewangelski farar Christian Tiede a znata aktiwistka Birgit Kieschnick podpisali.