Kamjenc. Rjany dohodowny dar skići wot póndźele zašłeho tydźenja Serbski ludowy ansambl (SLA) dźěćom w pěstowarnjach Delnjeje a Hornjeje Łužicy. W srjedźišću steji před wjace hač 20 lětami wušła stawizna Wórše Wićazoweje „Són wo jědlence“. K tomu je SLA rjane kulisy z motiwom ilustracije, kotraž je w knize wozjewjena, zhotowić dało. Tak čuja so dźěći wot wšeho spočatka w hodownej romantiskej atmosferje. K tomu přinošuja tež pisane kostimy či­tarkow a hudźbnika zajimaweho zarjadowanja.