Energijowa fabrika planuje nowej zarjadowani
Hórnikecy (AK/SN). Energijowu fabriku w Hórnikecach je loni něhdźe 23 000 ludźi wopytało. To bě něhdźe 4 000 wjace hač w lěće 2024. Přidatnje zličichu něhdźe 15 200 zajimcow we wobłuku prezentacije Ochranowskich hwězdow. Z wjace hač tysac hwězdow běchu za to 30 wobrazow stworili. „2025 bě za nas dobre lěto z wjele wužadanjemi. Ličba wopytowarjow je widźomnje rozrostła“, rjekny nawodnica muzeja Maria Schöne wutoru na nowinskej rozmołwje.
