Zajimowane dźěći a zwólniwi přewodnicy měli so bórze přizjewić

Połpica nad Sprjewju (SN/MiR). Lěsny šulski dom w Połpicy je hižo wjacore lětdźesatki domicil za serbske a serbšćinu wuwučowace kubłanišća. Lětsa zarjaduje tam Towarstwo za nakrajne šulske domy Budyskeho wokrjesa (Schullandheime e.V.) zhromadnje z Budyskej župu „Jan Arnošt Smoler“ wosebity poskitk. Wot 9. hač do 14. awgusta přewjedźetej partneraj tam prěni Serbski prózdninski camp. „Poskitk měri so na dźěći wot wosom do dwanaće lět“, rjekny županka Leńka Thomasowa.