Princowski por Metod I. a Leńka I. před wjerškom pjateho počasa
Kaž we wšitkich póstniskich centrumach so tež w Serbskopazličanskim karnewalowym towarstwje lětuši wjeršk pjateho počasa bliži. Na njón wjeseli so tež princowski por.
Serbske Pazlicy. Wot srjedź nowembra stejitaj Metod Šołta a jeho mandźelska Leńka ze Serbskich Pazlic jako Metod I. a Leńka I. na čole 54. sezony Serbskopazličanskeho karnewaloweho towarstwa. Jako jeju na wólbje princa w Njebjelčanskej „Bjesadźe“ kaž z cylindra skuzłachu a zjawnosći předstajichu, bě to za wšitkich wulka překwapjenka. Mjeztym staj so na swoje wysoke zastojnstwo zwučiłoj a so na kapičkowej wječoraj a tamne zarjadowanja wjeselitaj.
