Bukecy (UM/SN). Wosrjedź Bukec na­stawa na Karla Marxowej 14 krok po kroku strowotniski centrum. Po lěkarskej a zubnolěkarskej praksy je nětko tež ­předewzaćel Marko Pittke ze swojej posłužbowej firmu za pomocy potrěbnych ludźi do twarjenja zaćahnył, kotrež gmejnje słuša. Marko Pittke wobhladuje tole jako logisku konsekwencu pozitiwneho wuwića swojeho předewzaća, kiž bě wón spočatk lěta 2024 załožił. Před lětomaj je Bukečan sam započał, dźensa ma wón štyrjoch přistajenych. Dalšej sobudźěłaćerjej so bórze přidružtaj. „Wotpowědnje tomu, kaž je so kruh klientow rozšěrił, sym nowe dźěłowe městna wutworił“, Marko Pittke rozprawja. Tuž trjebaše tež wjace ruma a je nowe sydło firmy spočatk apryla oficialnje wotewrěł. „Sobudźěłaćerjo maja nětko krute městno za słužbne dorěčenja kaž tež za přestawki“, praji předewzaćel.